का अशी मी...माझ्यात दंग...
बावरी पहाट माझी....अबोली सांज...
हासू कशी.....आसू किती....
नको साद घालू..... मी वाटेतली भूल.....
ढळत्या रातीत माझी...सोनभरली सकाळ...
शहारल्या पापणीत...मोहरली नव्हाळ...
वाहू किती.... साहू कशी... ......
नको साद घालू.... मी चांदण्यांची भूल...
का अशी मी....
मोहरल्या बनात माझी....पानहिरवी बहार...
उमलत्या कळीत...गंधाचा कहर...
सांगू कशी...लपवू किती....
नको साद घालू..... मी रानातली हूल....
का अशी मी...
का अशी मी....माझ्यात दंग....
बावरी पहाट माझी....अबोली सांज....
-----चैताली.
२१ जून ०८
No comments:
Post a Comment