Translate

22 February 2009

'शब्दांच्या' कविता.....

मी माझं गाणं ऐकवलं तूला...
तेव्हा तु म्हणालास...."शब्द कुठेत..???"
.."तेव्हाच हरवले...
जेव्हा मी कविता वाऱ्यावर उधळल्या...!!"

तर तु स्वप्नाळलेल्या नजरेनं म्हणालास...
"चांदण्या बोजड झाल्या म्हणून...
कोणी आभाळ विकत नाही...
फूल सुकले म्हणून..
कोणी फांदी रुसत नाही..."

मी सुस्कारले..म्हणाले..
"बरंय..निदान तूझ्याकडे 'शब्दांच्या' कविता शिल्लक आहेत...
जप त्यांना....
माझ्या केव्हाच पांगूळल्यात...
रेंगाळून ....विखूरल्यात...
मलाच शोधताना......!!"



------चैताली.

21 February 2009

उपरती...!!

कायसं झालं काही आकळेना..
कणभरही उमजेना..
मनाध्याना..!!


अंधारामाजी..चालले अंधारा..
जीवन वाहिले मी तूझ्या...
नमनाला..!!


तुजविण रे वाट दावी कोण..
थरारले...झाले उन्मन..
कायामन..!!


वलांडूनी जनमानस-रिती..
नाही देहकुडीची क्षिती...
ने मजसी..!!


लोटता प्रवाही सुचेना काही..
निवावा आता जीव...व्हावी..
उपरती...!!



-----चैताली.

13 February 2009

उत्क्रांती........!!!

आजच नेमकी मी कशी विसरले...दिवा लावायला.......
आणि तीच वेळ अंधाराचे फावायला....
भिती वाटतच नाही आता अंधाराची...
केव्हाच माफ़ केल मी त्याला....
रडतोय आजकाल स्साला.....!!
उत्क्रांती झालीय माझी........
अश्रूंनाही भटकू देत नाही.... आसपास....
निचरतेय एक-एक रात..... सावकाश....
अश्रूंचीही आजकाल "आय-माय" काढते...
दु:खाला solid शिव्या घालते....
आता जास्त काही करत नाही....
..... मात्र एक करते...रोज एक..
कविता पाळते........!!!


------ चैताली.

08 February 2009

My wounded fins........

I just heard your song....
and you know what....
it's just like my song....
and the same circle I have around me....

Like a mermaid... I am...
In pursuit of crystal-clear waters...
you have your wings to fly through your skies....!!
Your own skies....
And I have boundless oceans....
Where I cant plunge in....!!

In fact...that circle....
I would like to feel it with my song...
which I never sing....
now it has started sinking....
I am not going to stop it.....
let it come to me....
let it swallow me....
May then I can sing my sonnet...
My wounded fins can get sea then ......

Mournfully....!!!!


----chaitali.

03 February 2009

माझ्या बाहूलीचे......

माझ्या बाहूलीचे......
सोन सानूलीचे.....
स्वप्न अलवार....
पापणीत....

चंद्र त्या चांदण्या....
मागशी गोंदण्या....
सांभाळ हातात....
हलकेच....

इकडून येते....
अशी मुरकते...
नाचते डौलात...
आंगणात......

तूझ्या फिरकीने...
गोल गिरकीने....
हासू कौतुकाचे...
विसावते...

बोलणे तोऱ्याचे...
हात नाचवते....
डोळ्यात विभ्रम...
जादूचेच....


जाशील उडून....
पंख पसरून....
अनादि आकाश....
तूझ्यासाठी.....


दिसता उदास...
माझ्यात हासते....
मलाच तु अशी...
सांभाळते....

मलाच तु अशी....
सांभाळते....!!!



-----चैताली.