तुलाही मी तशीच हवीय ना...
तुझ्या साच्यात ढाळलेली...
पण मग माझा कोरीवपणा....??
नसा-नसात भिनलेला ठाशीवपणा...??
कशी विसरू...
माझ्यात भिनलेली भिन्नतेची लय...
माझं माझ्याचभोवती असलेलं बिलोरी वलय...
तुला आवडतं ना....
तुझ्या डोळ्यात माझं विरणं....
माझं तुझ्यातलं डोलणं..
पण मग कसं थांबवू...
विचारांच्या झोक्याची दोलनं..
अंगाखांद्यावर आत्ता-आत्तापर्यंत...
मिरवलेलं ’स्व’त्वाचं लेणं......
तशीही मी तुझीच आहे रे..
पण मग...
कुठे अडगळीत नेवून टाकू...??
साधी-सरळ असली तरीही..
माझी... 'माझी'...
अंगभूत वळणं..!!
---चैताली.
1 comment:
nishabda....
khup sundar...arthpurn...
antarmukh karnaare kavya
Post a Comment