'शब्दांच्या' कविता.....

मी माझं गाणं ऐकवलं तूला...
तेव्हा तु म्हणालास...."शब्द कुठेत..???"
.."तेव्हाच हरवले...
जेव्हा मी कविता वाऱ्यावर उधळल्या...!!"

तर तु स्वप्नाळलेल्या नजरेनं म्हणालास...
"चांदण्या बोजड झाल्या म्हणून...
कोणी आभाळ विकत नाही...
फूल सुकले म्हणून..
कोणी फांदी रुसत नाही..."

मी सुस्कारले..म्हणाले..
"बरंय..निदान तूझ्याकडे 'शब्दांच्या' कविता शिल्लक आहेत...
जप त्यांना....
माझ्या केव्हाच पांगूळल्यात...
रेंगाळून ....विखूरल्यात...
मलाच शोधताना......!!"



------चैताली.